ठूलो आँधी विपा मकाउ-हङकङतर्फ बढ्दै, सतर्कता जारी

मकाउ १९ जुलाई , फिलिपिन्स नजिकै उब्जिएको आँधी ("विपा") अहिले तीव्र बलियो हुँदै मकाउ र हङकङतर्फ बढिरहेको छ। क्षेत्रीय मौसम कार्यालयहरूले यसले यसै सप्ताहन्त मकाउलाई असर गर्ने बताएका छन्। मकाउको मौसम विभागले यो आँधी शनिबार बिहान नै मकाउभन्दा ८०० किलोमिटरभित्र पुग्ने बताएको छ। यसकारण चक्रवात चेतावनी नं. १ जारी गरेको छ । आँधी अहिले चीनको ग्वाङ्डोङ क्षेत्रतर्फ बढिरहेको छ। मकाउमा अर्को २-३ दिन धेरै गर्मी रहनेछ। आँधी नजिकिँदै जाँदा बादल लाग्ने, मेधगर्जनसँगै पानी पर्ने सम्भावना रहनेछ ।

यसैगरी हङकङले पनि शुक्रबार रातदेखि आँधीको असर महसुस गरेको छ । त्यहाँका मौसम विज्ञहरूले आँधी चेतावनी नं. १ जारी गरेका छन्। आँधी बलियो भए नं. ८ चेतावनी सम्म बढाउन सकिनेछ। हङकङ वेधशालाका विज्ञहरूले चेतावनी गरेका छन्— "यो आँधीले ग्वाङ्डोङ क्षेत्रमा भारी वर्षा, हुरी र आकाशी बिजुली ल्याउनेछ।" तर उनीहरूले आँधीको बाटो वा शक्ति बदल्न सक्ने भन्दै सतर्क रहन आग्रह गरेका छन्।  फिलिपिन्सको मौसम विभाग (PAGASA) लगायतले यो आँधी प्रतिघण्टा २० किमी भन्दा बढी गतिमा पश्चिम-उत्तरतर्फ बढिरहेको बताएका छन्। यो फिलिपिन्सको लुजोन क्षेत्र पार गरी दक्षिण चीन सागर पुग्नेछ।  दुवै क्षेत्रका अधिकारीहरूले आँधीलाई कडा निगरानी गरिरहेको बताउँदै स्थानीय बासिन्दालाई नयाँ मौसम अपडेट खोजीरहन, घरभित्रै बस्न तयार बस्न, बाहिरी सामान (झोलाहरू, गम्ला) सुरक्षित ठाउँमा राख्न र आपतकालीन  अवस्थामा सम्पर्क गर्न भनेका छन् । उष्णकटिबंधीय चक्रवात संकेत नम्बर १ हाल लागू छ। चक्रवात मकाओको ८०० किलोमिटर भित्र केन्द्रित छ र मकाओलाई असर गर्न सक्छ।