काठमाडौँ: धितोपत्र बजारमा आज सेयर कारोबार मापक नेप्से परिसूचक दोहोरो अंकले ओरालो लागेको छ। नेपाल स्टक एक्सचेन्ज (नेप्से) का अनुसार आज परिसूचक १२.३६ अंकले घटेर २,७४२.११ को बिन्दुमा सीमित भएको छ। यो अघिल्लो दिनको तुलनामा ०.४४ प्रतिशतको गिरावट हो।
आज बजारमा कुल ३४८ कम्पनीका ८९ लाख ५५ हजार ५४५ कित्ता सेयर ४४ हजार ७४४ पटक खरिदबिक्री हुँदा ३ अर्ब ८९ करोड ८४ लाख १८ हजार ३८५ रुपैयाँ बराबरको कारोबार भएको छ।
बजार घट्दा अधिकांश कम्पनीका लगानीकर्ताले गुमाएका छन्। आज ७२ वटा कम्पनीको सेयर मूल्य बढ्दा १८८ वटा कम्पनीको मूल्य घटेको छ भने ९ वटा कम्पनीको मूल्य स्थिर रहेको छ।
यस दिन बुंगल (BUNGAL) को सेयर मूल्य सबैभन्दा बढी ९.२६ प्रतिशतले बढेर प्रतिकित्ता ७४६ रुपैयाँ पुगेको छ। त्यसैगरी, कारोबार रकमका आधारमा एकेजेसीएल (AKJCL) ले करिब १७ करोड ७२ लाख रुपैयाँको कारोबार गर्दै अग्रस्थान कायम गरेको छ। रिडी (RIDI) र बुंगल (BUNGAL) क्रमशः दोस्रो र तेस्रो धेरै कारोबार हुने कम्पनी बनेका छन्।
Aआजको कारोबारपछि कुल बजार पुँजीकरण (Market Capitalization) ४६ खर्ब ७६ अर्ब रुपैयाँ कायम भएको छ।
No comments:
Post a Comment