काठमाडौँ संवाददाता २१ वैशाख : प्रधानमन्त्री बालेन्द्र शाह (बालेन) ले काठमाडौँ उपत्यकाका नदीकिनार तथा सरकारी स्वामित्वमा रहेका जग्गाको व्यवस्थापन गर्ने कार्य कसैलाई उठीबास लगाउन नभई भूमिहीन नागरिकहरूको स्थायी र सुरक्षित आवास सुनिश्चित गर्नका लागि चालिएको कदम भएको स्पष्ट पार्नुभएको छ।
आज आफ्नो आधिकारिक फेसबुक पेजमार्फत एक विशेष सन्देश सार्वजनिक गर्दै प्रधानमन्त्री शाहले भूमिहीन तथा अव्यवस्थित बसोबासीहरूमा उठीबास हुने आशंका पैदा गरी नियोजित रूपमा त्रास फैलाउने प्रयास भइरहेको भन्दै त्यस्ता भ्रामक सूचनाको पछि नलाग्न नागरिकहरूमा अपिल गर्नुभएको छ।
