नेपालले घरेलु मैदानमा सिरिजको सुखद अन्त्य

काठमाडौं । आईसीसी क्रिकेट विश्वकप लिग–२ अन्तर्गतको घरेलु सिरिजको अन्तिम खेलमा नेपालले अमेरिकामाथि १२२ रनको शानदार जित दर्ता गरेको छ। त्रिवि क्रिकेट मैदानमा टस हारेर पहिले ब्याटिङ गरेको नेपालले निर्धारित ५० ओभरमा ८ विकेट गुमाउँदै ३१७ रनको विशाल योगफल तयार पारेको थियो। ३१८ रनको बलियो लक्ष्य पछ्याएको अमेरिका ४१ ओभर २ बलमा मात्र १९५ रनमा समेटिएपछि नेपालले ऐतिहासिक जित निकालेको हो।

नेप्से परिसूचकमा १२.३६ अंकको गिरावट, करिब ३ अर्ब ८९ करोडको कारोबार

काठमाडौँ: धितोपत्र बजारमा आज सेयर कारोबार मापक नेप्से परिसूचक दोहोरो अंकले ओरालो लागेको छ। नेपाल स्टक एक्सचेन्ज (नेप्से) का अनुसार आज परिसूचक १२.३६ अंकले घटेर २,७४२.११ को बिन्दुमा सीमित भएको छ। यो अघिल्लो दिनको तुलनामा ०.४४ प्रतिशतको गिरावट हो।

आज बजारमा कुल ३४८ कम्पनीका ८९ लाख ५५ हजार ५४५ कित्ता सेयर ४४ हजार ७४४ पटक खरिदबिक्री हुँदा ३ अर्ब ८९ करोड ८४ लाख १८ हजार ३८५ रुपैयाँ बराबरको कारोबार भएको छ।

सेयर बजारमा सुधार: नेप्से परिसूचक झण्डै ९ अङ्कले बढ्यो

काठमाडौँ संवाददाता , २२ वैशाख । नेपाल स्टक एक्सचेन्ज (नेप्से) परिसूचकमा आज सामान्य सुधार देखिएको छ। धितोपत्र बजारमा सेयर कारोबार मापक नेप्से परिसूचक ८ दशमलव ७८ अङ्कले बढेर २ हजार ७ सय १२ दशमलव ८६ को विन्दुमा पुगेको छ।

भूमिहीनको आवास सुनिश्चित गर्न सरकार प्रतिबद्ध छ, भ्रममा नपर्नुस्: प्रधानमन्त्री बालेन शाह

काठमाडौँ संवाददाता  २१ वैशाख : प्रधानमन्त्री बालेन्द्र शाह (बालेन) ले काठमाडौँ उपत्यकाका नदीकिनार तथा सरकारी स्वामित्वमा रहेका जग्गाको व्यवस्थापन गर्ने कार्य कसैलाई उठीबास लगाउन नभई भूमिहीन नागरिकहरूको स्थायी र सुरक्षित आवास सुनिश्चित गर्नका लागि चालिएको कदम भएको स्पष्ट पार्नुभएको छ।

आज आफ्नो आधिकारिक फेसबुक पेजमार्फत एक विशेष सन्देश सार्वजनिक गर्दै प्रधानमन्त्री शाहले भूमिहीन तथा अव्यवस्थित बसोबासीहरूमा उठीबास हुने आशंका पैदा गरी नियोजित रूपमा त्रास फैलाउने प्रयास भइरहेको भन्दै त्यस्ता भ्रामक सूचनाको पछि नलाग्न नागरिकहरूमा अपिल गर्नुभएको छ।

धितोपत्र बोर्डको अध्यक्षका लागि आवेदन खुला, ‘शिव चन्द्र’ को पनि दाबेदारी

काठमाडौँ संवाददाता , २१ वैशाख । नेपाल धितोपत्र बोर्ड (सेबोन) को रिक्त अध्यक्ष पदका लागि सरकारले आवेदन खुला गरेसँगै पूँजीबजारमा नयाँ उत्साह देखिएको छ। यसैबीच, सेयर बजार विश्लेषकका रूपमा परिचित ‘शिव चन्द्र’ (पुरुषोत्तम राज चिमोरिया) ले पनि उक्त पदका लागि आवेदन दिने तयारी गर्नुभएको छ।

सामाजिक सञ्जाल फेसबुकमार्फत नियमित रूपमा बजारको प्राविधिक तथा मौलिक विश्लेषण प्रस्तुत गर्दै आउनुभएका चिमोरिया विशेषगरी साना लगानीकर्तामाझ परिचित नाम हुनुहुन्छ। उहाँले एशियन क्यापिटल लिमिटेडमा करिब सात वर्ष प्रमुख लगानी अधिकृतका रूपमा कार्य गरी बजार संरचना र जोखिम व्यवस्थापनमा व्यवहारिक अनुभव हासिल गर्नुभएको छ।

मकाउमा 'प्रथम मकाउ ग्राण्ड भलिबल प्रतियोगिता' आयोजना हुने

                मकाउ, 4 मे। नेपालको राष्ट्रिय खेल भलिबलको प्रवर्द्धन गर्ने उद्देश्यले मकाउको हाक सा वान (Hac Sa Wan) स्थित मकाउ ब्याप्टिष्ट कलेज (Macau Baptist College) मा आगामी मे ३१ तारिख आइतबार 'प्रथम मकाउ ग्राण्ड भलिबल प्रतियोगिता २०२६' आयोजना हुने भएको छ।

नेपाल भलिबल संघ मकाउको आयोजना तथा क्यारिटास मकाउ वैदेशिक कामदार सेवा (Caritas Macau Overseas Laborer Service) को सह-आयोजनामा उक्त प्रतियोगिता सञ्चालन हुन लागेको हो। "खेल खेलौं स्वस्थ रहौं, प्रवासमा रहेका नेपालीहरूबीच आत्मीयताको विकास गरौं" भन्ने मूल नाराका साथ आयोजना हुन लागेको यस कार्यक्रम बिहान ९:०० बजेदेखि राती ९:०० बजेसम्म चल्नेछ।